“არავის არ უნდა ჰქონდეს იმის ილუზია, რომ ვინმე შეძლებს ამ შედეგების დაზიანებას..”

აჭარის მთავრობის თავმჯდომარემ ტელეკომპანია იმედის მიერ ჩატარებული ეგზიტპოლების მიხედვით მიღებულ შედეგებთა დაკავშირებით კომენტარი გააკეთა. თორნიკე რიჟვაძემ განაცხადა, რომ ამ შედეგს ელოდა და ეს იყო პროგნოზირებადი. ''ჩვენს ქვეყანას ვულოცავ კიდევ ერთ ძალიან მნიშვნელოვან ნაბიჯს, კიდევ ერთ ღირსეულ და დემოკრატიულ არჩევნებს. ჩვენი გუნდი და პოლიტიკური ძალა კიდევ უფრო მეტად არის გახარებული ამ შედეგით, თუმცა ეს იყო აბსოლუტურად პროგნოზირებადი. იმ კონკრეტული საქმით და ღირებულებებით, რომლითაც ბოლო რვა წლის განმავლობაში ჩვენი პარტია, ბიძინა ივანიშვილის ხელმძღვანელობით ახორციელებს. ვულოცავ ყველა ჩვენს მხარდამჭერს და ვიტყვი, რომ მიუხედავად იმისა, ვინ რომელ პარტიას მისცა ხმა, ისინი ჩვენი მოქალაქეები არიან და ჩვენ როგორც ხელისუფლებას, მმართველ პარტიას და ძალას მათზეც გვაქვს პასუხისმგებლობა. ხალხის ნდობა და განწყობა არის ერთმნიშვნელოვანი და ყველა უნდა გავუფრთხილდეთ ამ ძალიან მნიშვნელოვან მონაპოვარს, უნდა მოვახდინოთ სრული კონსოლიდაცია, რომელიც ჩვენს ქვეყანას სჭირდება და არავის არ უნდა ჰქონდეს იმის ილუზია, რომ ვინმე შეძლებს ამ შედეგების დაზიანებას, ობსტრუქციას ან დესტაბილიზაციას'' - განაცხადა თორნიკე რიჟვაძემ. ტელეკომპანია “იმედის” ეგზიტპოლის შედეგები ასეთია: „ქართულმა ოცნებამ“ 55.0%-იანი მხარდაჭერა მიიღო, „ნაციონალურმა მოძრაობამ“ - 23.0%. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. #batumidaily #აჭარა #ბათუმი #ახალიამბებიაჭარაში