გასულ დღე-ღამეში, პირბადის ტარების წესის დარღვევისთვის 642 ადამიანი დააჯარიმეს

გასულ 24 საათში, პირბადის ტარების წესის დარღვევისთვის პოლიციამ 642 ადამიანი დააჯარიმა. შინაგან საქმეთა სამინისტროს ინფორმაციით, ბოლო დღე-ღამეში მთელი ქვეყნის მასშტაბით, დაწესებული შეზღუდვების დარღვევის 735 ფაქტი გამოვლინდა - მათ შორის, ისინი, ვინც 21-დან 5საათამდე გადაადგილების შეზღუდვის წესი დაარღვიეს.  პირბადის ტარების წესის დარღვევა ჯარიმდება 20 ლარით. კარანტინის წესების დარღვევა ჯარიმდება 2 000 ლარით. „საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს“, - აცხადებს შსს და განაგრძობს: „სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები“. https://www.radiotavisupleba.ge/a/30997066.html #ახალი_ამბები #twitter