როგორ უნდა მოვიქცეთ თუ ბავშვი საბავშვო ბაღში ვერ დავარეგისტრირეთ

მათთვის ვინც წინა კვირას საბავშვო ბაგა-ბაღში ბავშვის რეგისტრაცია ვერ მოახერხა თბილისის ბაგა-ბაღების სააგენტო განცხადებას ავრცელებს და მშობლებს მოუწოდებს, თუ რეგისტრაციის გარეშე დარჩნენ, სასურველ ბაღებს მიაკითხონ და სარეზერვო სიებში ჩაწერა მოითხოვონ.   „ძვირფასო მშობლებო, თუ ვერ მოახერხეთ ბავშვის რეგისტრაცია სასურველ ბაღში, 22 ივნისიდან მიმართეთ კონკრეტულ სააღმზრდელო დაწესებულებას და დატოვეთ განაცხადი ბავშვის სარეზერვო სიაში მოხვედრასთან დაკავშირებით. თუ ოჯახს აქვს კონკრეტული სოციალური სტატუსი, უნდა წარადგინოთ ამის დამადასტურებელი საბუთი. ადგილობრივი მცხოვრებლების შემთვევაში, ოჯახმა სარეზერვო განცხადებას თან უნდა დაურთოს არასრულწლოვნის რეგისტრაციის ბარათი. გაითვალისწინეთ, რომ სარეზერვო სიაში, ისევე როგორც პირველი ეტაპის რეგისტრაციისას, განსაზღვრულია კონკრეტული პრიორიტეტული კატეგორიები. სააღმზრდელო დაწესებულებაში მისვლისას, სავალდებულოა კორონავირუსის გავრცელების პრევენციისათვის არსებული რეკომენდაციების დაცვა“, – ნათქვამია ბაგა-ბაღების სააგენტოს განცხადებაში. სარეზერვო სიებში ჩაწერა დღეიდან დაიწყო.