დონალდ ტრამპსა და პირველ ლედის კორონავირუსი დაუდასტურდათ 

აშშ-ის პრეზიდენტ დონალდ ტრამპსა და პირველ ლედის, მელანია ტრამპს კორონავირუსი დაუდასტურდათ,- ამის შესახებ აშშ-ის პრეზიდენტი სოციალურ ქსელ „ტვიტერში“ წერს. „დღეს პირველმა ლედიმ და მე „კოვიდ-19“-ისტესტზედადებითი პასუხი მივიღეთ. დაუყოვნებლივ ვიწყებთკარანტინსადა გამოჯანმრთელების პროცესს. ამას ერთად დავძლევთ“, - წერს დონალდ ტრამპი. მანამდე, კორონავირუსი დაუდასტურდა ტრამპის მრჩეველს, ჰოუპ ჰიკსს, რომელიც ბოლო დღეების განმავლობაში აშშ-ის პრეზიდენტს ახლდა, მათ შორის, რამდენიმე დღის წინ გამართულ საპრეზიდენტო არჩევნების დებატებზე.