შაქარაშვილის მკვლელობაზე ბრალი 5 პირს წაუყენეს

საქართველოს პროკურატურამ 19 წლის ფეხბურთელის, გიორგი შაქარაშვილის განზრახ მკვლელობის ბრალი 5 პირს წაუყენა. ამ საკითხზე ბრიფინგი პროკურატურაში ამ წუთებში იმართება. საქართველოს სისხლის სამართლის კოდექსის 109-ე მუხლის მეორე ნაწილით ჯგუფურად განზრახ მკვლელობა 13-დან 17 წლამდე პატიმრობით ისჯება. შაქარაშვილის საქმეზე სულ 17 პირია დაკავებული. მათგან 6 არასრულწლოვნის საქმე ცალკეა გამოყოფილი, რადგან არასრულწლოვანთა მართლმსაჯულების კოდექსი პროცესების დაჩქარებული წესით განხილვას მოითხოვს, დანარჩენი 11 პირის ბრალეულობას კი სასამართლო ცალკე პროცესზე განიხილავს. მასალა ახლდება https://www.radiotavisupleba.ge/a/30777754.html #ახალი_ამბები #twitter