ოკუპირებულ აფხაზეთში კორონავირუსის 49 ახალი შემთხვევა დაფიქსირდა

საოკუპაციო რეჟიმის ინფორმაციით, ოკუპირებულ აფხაზეთში გასული დღე-ღამის განმავლობაში კორონავირუსზე ტესტირება ჩაუტარდა 134 ადამიანს, მათგან „კოვიდ-19“ 49 პირს დაუდასტურდა. ამ დროისთვის გუდაუთის რაიონულ საავადმყოფოში 168 პაციენტი იმყოფება, მათ შორის 147 კოვიდინფიცირებულია. 18 პაციენტის მდგომარეობა მძიმედ ფასდება. საოკუპაციო რეჟიმის ცნობით, ოკუპირებულ აფხაზეთში სულ კორონავირუსით ინფიცირების 2 479 შემთხვევაა დაფიქსირებული, გამოჯანმრთელდა 1 100, გარდაიცვალა 23.