თბილისის მერია 300 მიკროავტობუსის შესაძენად გამოცხადებულ ტენდერს აჩერებს

http://pirveliradio.ge/index.php?newsid=140805 თბილისის მერია 300 მიკროავტობუსის შესაძენად გამოცხადებულ ტენდერს აჩერებს. ამის შესახებ რადიო თავისუფლებას მერიის პრესსამსახურში განუცხადეს. "კორონავირუსის გამო მიკროავტობუსების ტენდერი შეჩერდება ისე, როგორც ბევრი სხვა პროექტი, რომელიც ჯერ დაწყებული არ იყო", - განმარტავენ მერიაში. მუნიციპალიტეტს სატრანსპორტო საშუალებები თბილისის მიკროავტობუსისთვის უნდა გადაეცა, რომელსაც ქალაქში მგზავრები გადაჰყავს. ერთი მიკროავტობუსი დაახლოებით 97 ათასი ლარი ჯდებოდა, ჯამში კი 29 მლნ ლარის დახარჯვა იყო გათვალისწინებული. ტენდერზე განაცხადების მიღება 9 აპრილს უნდა დაწყებულიყო და 14 აპრილს დასრულებულიყო. ამ ტრანსპორტს თბილისში მოძრავი "ყვითელი მიკროავტობუსები" უნდა ჩაენაცვლებინა.