კარანტინის გაუქმების სამსაფეხურიანი გეგმა

ავსტრალიის პრემიერ-მინისტრმა სკოტ მორისონმა კარანტინის გაუქმების 3-საფეხურიანი გეგმა წარადგინა. პრემიერ-მინიტრის განმარტებით, პირველი საფეხური, რომელიც დღეიდან ამოქმედდება რესტორნების, კაფეებისა და მაღაზიების გახსნას გულისხმობს. ამასთან, ქუჩაში ერთდროულად შეკრება მაქსიმუმ 10 ადამიანს შეეძლება. დღეიდან ქვეყანაში სკოლები და სათამაშო მოედნებიც გაიხსნება. პრემიერ-მინისტრის განმარტებით შემდგომ ეტაპზე ქვეყანაში კინოთეატრები, სპორტული დარბაზები და სილამაზის სალონები გაიხსნება. საბოლოო, მე-3 ეტაპზე კი დასაშვები გახდება ერთდროულად 100 ადამიანის შეკრება. ბოლო მონაცემებით, ავსტრალიაში კორონავირუსის სულ 7 000-მდე შემთხვევა დაფიქსირდა, 6 074 კი უკვე გამოჯანმრთელდა. ვირუსს ქვეყანაში 97 ადამიანის სიცოცხლე ემსხვერპლა.