საქართველოს წყალბურთის ნაკრები როტერდამის ტურნირზე მეშვიდე ადგილის შანსს ინარჩუნებს

საქართველოს წყალბურთის ნაკრებმა როტერდამში მიმდინარე საერთაშორისო ტურნირზე ზედიზედ მესამე თამაში წააგო და საუკეთესო ექვსეულში მოხვედრის შანსი დაკარგა. დეიან სტანოევიჩის გაწვრთნილი გუნდი მეხუთე-მერვე ადგილის პლეი ოფის პირველ შეხვედრაში ჰოლანდიის ნაკრებთან დამარცხდა, ანგარიშით 11:14. ტოკიოს ოლიმპიური თამაშების სალიცენზიო შეჯიბრებაზე ქართველი წყალბურთელები ბოლო შეხვედრას 21 თებერვალს გამართავენ - თბილისის დროით 13:00 საათზე, მეშვიდე ადგილისთვის მატჩში საფრანგეთს ან კანადას დაუპირისპირდებიან. როტერდამის ტურნირის თორმეტი მონაწილე ნაკრებიდან სამი საუკეთესო ტოკიოს ოლიმპიადის ლიცენზიას მოიპოვებს. https://www.radiotavisupleba.ge/a/31113106.html #ახალი_ამბები #twitter