საქართველოში "კომენდანტის საათი" ერთი ღამით უქმდება

დღეს საქართველოში დროებით შეწყდება კორონავირუსის ეპიდემიის გამო ნოემბრის ბოლოდან დაწესებული ე.წ. კომენდანტის საათის მოქმედება და მოქალაქეები ქვეითად და ავტომანქანით გადაადილებას შეძლებენ საღამოს 9 საათის შემდეგაც. აკრძალვის დროებით გაუქმების მიზეზია შობის დღესასწაული, რომელსაც საქართველოს მართლმადიდებელი ეკლესია 7 იანვარს აღნიშნავს. ტაძრებში წინა ღამით იწყება საშობაო ღვთისმსახურება, რომელზეც მრევლის დასწრება აკრძალული არ არის. უწყებათაშორისი საკოორდინაციო საბჭო მოქალაქეებს მხოლოდ მოუწოდებს, რომ ხალხმრავალ შეკრებებს თავი აარიდონ. 7 იანვრიდან საქართველოში ისევ აიკრძალება 21:00-დან 05:00 საათამდე გადაადგილება. ე.წ. კომენდანტის საათი დროებით არ მოქმედებდა ახალი წლის ღამითაც. https://www.radiotavisupleba.ge/a/31035696.html #ახალი_ამბები #twitter #covid19_-_ახალი_ამბები