Ցուցերբերգը քննադատել է Սպիտակ տան արձագանքը կորոնավիրուսի ճգնաժամին

Facebook ընկերության հիմնադիր և ղեկավար Մարկ Ցուկերբերգը քննադատել է նախագահ Դոնալդ Թրամփի վարչակարգի արձագանքը կորոնավիրուսի ճգնաժամին: ԱՄՆ առաջատար համաճարակաբան դոկտոր Էնթոնի Ֆաուչիի հետ հարցազրույցում Ցուկերբերն ասել է, թե ակնհայտ է, որ այլ պետությունների համեմատությամբ Միացյալ Նահանգներում իրավիճակը շատ ավելի ծանր է: «Մեր կառավարությունը և այս վարչակարգը շատ ավելի նվազ արդյունավետությամբ են զբաղվել կորոնավիրւսի համաճարակով»,- ասել է աշխարհի ամենախոշոր սոցիալական ցանցի ղեկավարը: Դոկտոր Ֆաուչին, իր հերթին, խոսել է համավարակի բռնկման առաջին շրջանում սոցցանցերում հայտնված անհաշիվ կեղծ և գիտությանը հակասող հրապարակումների մասին: Այդօրիինակ հրապարակումների թվում էին պնդումներ, թե, իբր, դիմակը վտանգավոր է մարդու առողջության համար, ինչպես նաև կորոնավիրուսի ծագման կամ նույնիկ չգոյության մասին գաղտնապաշտական թեզեր և հանրությանը մոլորեցնող այլ նյութեր: https://www.azatutyun.am/a/30733039.html #Լուրեր #Կորոնավիրուս