ესპანეთში კორონავირუსით დაინფიცირებულთა რაოდენობამ მილიონს გადააჭარბა

ესპანეთში კორონავირუსის გავრცელებიდან დღემდე დაინფიცირებულთა რაოდენობამ მილიონს გადააჭარბა და მილიონ 46 ათას 641 შეადგინა. ამის შესახებ მონაცემებს ქვეყნის ჯანდაცვის სამინისტრო ავრცელებს. აღსანიშნავია, რომ ჯერ კიდევ სამშაბათს, ქვეყანაში 988 322 დაინფიცირებული იყო. კორონავირუსით ქვეყანაში 34 366 ადამიანი გარდაიცვალა, ბოლო კვირის განმავლობაში ვირუსით 575 ადამიანი დაიღუპა.