ირლანდიაში კორონავირუსის 85 შემთხვევა დაფიქსირდა
Tbilisi Daily
ირლანდიაში 22 მაისის შემდეგ „კოვიდ-19“-ით ინფიცირების ყველაზე მაღალი დღიური მაჩვენებელი დაფიქსირდა.
ბოლო დღე-ღამის განმავლობაში ირლანდიაში კორონავირუსის 85 ახალი შემთხვევა გამოვლინდა. ინფორმაციას „სიენენი“ ირლანდიის ჯანდაცვის უწყებაზე დაყრდნობით ავრცელებს.
ირლანდიაში პანდემიის დაწყებიდან დღემდე, ინფიცირების 26 027 შემთხვევაა დაფიქსირებული, გარდაცვლილია 1 763 პაციენტი.
ჯანდაცვის უწყების ინფორმაციით, ბოლო დღე-ღამის განმავლობაში გამოვლენილი შემთხვევებიდან ნახევარი ვირუსის გავრცელების კერებს უკავშირდება, ხოლო 39% უკვე ინფიცირებული პაციენტების კონტაქტები არიან.