ქუთაისში Covid 19 -ით გარდაცვლილი ქალი სოხუმის 1-ლი სკოლის მასწავლებელია
Sokhumi Daily
20 სექტემბერს, ქუთაისში, კლინიკა "ბომონდში", კორონავირუსით გამოწვეული გართულებებისგან, 60 წლის ქალბატონი გარდაიცვალა.
როგორც დღეს გახდა ცნობილი, ქალბატონი აფხაზეთიდან იყო. სოციალურ ქსელში გავრცლებული ინფორმაციით, გარდაცვლილი სოხუმის პირველი სკოლის მასწავლებელი, ლუდმილა ანუაა.
ქართველი ექიმების განცხადებით, პაციენტი სოხუმიდან კრიტიკულ მდგომარეობაში გადმოიყვანეს.
"თავიდანვე ურთულესი იყო მისი მდგომარეობა, რადგან მას არაერთი თანმხლები ქრონიკული დაავადება ჰქონდა. მათ შორის გულსისხლძარღვთა პრობლემები", - განაცხადეს კლინიკაში.
ლუდმილა ანუამ რამდენიმე დღის წინ "ფეისბუქზე" მიმართვა გაავრცელა, სადაც წერს, რომ დაინფიცირებამდე, “არც მას სჯეროდა კორონავირუსის არსებობის”.
"აფხაზებო, გაუფრთხილდით თავს. ინფექცია ჩვენს შორისაა. მეც არ მჯეროდა ვირუსის, მაგრამ გუდაუთაში აღმოვჩნდი", - წერდა ის.
სკოლაში, სადაც ლუდმილა ანუა ასწავლიდა, 2-კვირიანი კარანტინი გამოაცხადეს. სკოლის დირექტორ ნონა დელბას თქმით, სკოლის 50-ზე მეტ მოსწავლეს მაღალი ტემპერატურა აქვს.
ოფიციალური ცნობით, აფხაზეთიდან საქართველოს კონტროლირებად ტერიტორიაზე არსებულ კლინიკებში კიდევ სამი კრიტიკული პაციენტი იმყოფება. ყველა მათგანი მართვით სუნთქვაზეა.
სოხუმის მკვიდრი დავით დასანია საკუთარ "ფეისბუქგვერდზე" პოსტს ავრცელებს, რომელშიც მწუხარებას გამოთქვამს ლუდმილა ანუას გარდაცვალების გამო. "ძალიან ვწუხვარ შესანიშნავი მასწავლებლის, ლუდმილა ანუას გარდაცვალების გამო. ლუდმილამ ბოლო ხანს მიიღო მონაწილეობა აფხაზურ ენაზე ლექსების კითხვის ონლაინლიტერატურულ კონკურსში და წაგვიკითხა საკუთარი ლექსი, Მაგრამ ბოლომდე არ დასცალდა. ძალიან მტკივა გული მისი გარდაცვალების გამო, მაგრამ ვერაფერს იზამ, ცხოვრება ასეთია".
https://m.facebook.com/photo.php?fbid=3443530225711476&set=a.981495851914938&type=3&refsrc=http%3A%2F%2Fwww.ambebi.ge%2F
ავტორი: თინათინ ზვიადაძე
________________
თქვენ ამ სტატიას კითხულობთ პლატფორმა Feedc -ზე.
Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.
#SokhumiDaily #Sokhumi #სოხუმი #აფხაზეთი #ახალიამბები #კორონა #სოხუმისსკოლა #მასწავლებელი #1-ლი