ილია მეორე აშშ-ს ელჩს მადლობის წერილს წერს

საქართველოს კათოლიკოს პატრიარქი, ილია მეორე საქართველოში აშშ-ის ელჩს, კელი დეგნანას მადლობის წერილს წერს. პატრიარქი ამახვილებს ყურადღებას აშშ-ის დაავადებათა კონტროლის ცენტრის დირექტორის, რობერტ რედფილდის ინიციატივაზე, რომლის მიხედვითაც საქართველოში დაავადებათა კონტროლის რეგიონული ოფისი გაიხსნება. ცენტრი 10 ქვეყანას მოემსახურება. "ეს ნაბიჯი განსაკუთრებით დასაფასებელია დღეს, როდესაც ასეთ რთულ ეტაპს გადის მთელი მსოლიო Covid-19-თან ბრძოლაში. აღნიშნული ქმედება კიდევ ერთი დადასტურებაა აშშ-ის გამორჩეული დამოკიდებულებისა საქართველოსადმი, რისთვისაც მადლობას ვუხდით თქვენი ქვეყნის ხელისუფლებას", - ვკითხულობთ წერილში. საპატრიარქო აშშ-ის ელჩის საპასუხო წერილსაც აქვეყნებს. კელი დეგნანი პატრიარქს მადლობას უხდის გაგზავნილი წერილისთვის და აღნიშნავს: "ჩვენ მოუთმენლად ველით საზოგადოების ჯანმრთელობასთან დაკავშირებით ჩვენი პარტნიორების გაძლიერებას და დიდად ვაფასებთ ახალ რეგიონულ ოფისთან დაკავშირებით ფართო ენთუზიაზმის არსებობას", - წერს დეგნანი. პატრიარქმა წერილი მიწერა რედფილდსაც. ამ შემთხვევაშიც პატრიარქი მადლიერებას გამოხატავს აშშ-ის მიერ საქართველოში გადადგმული ნაბიჯების შესახებ. "მიიღეთ ჩვენი მადლიერება და პატივისცემა თქვენდამი და თქვენი ქვეყნისადმი", - ვკითხულობთ წერილში. https://www.radiotavisupleba.ge/a/30704330.html #ახალი_ამბები #twitter