Կրեմլում հետևում են Լեռնային Ղարաբաղում տեղի ունեցող իրադարձություններին

Ռուսաստանի նախագահի մամլո քարտուղար Դմիտրի Պեսկովն այսօր ասել է, որ Կրեմլում հետևում են Լեռնային Ղարաբաղում տեղի ունեցող իրադարձություններին: «Տեղեկատվությունն իսկապես քիչ է, մենք ուշադրությամբ ենք հետևում, հրադադարի խախտումները լրացուցիչ ծանրաբեռնվածություն է խաղաղապահների համար»,- ասել է Պեսկովը:   «Շփումները շատ օպերատիվ են իրականացվել, իսկապես, առաջացել էր բավական մտահոգիչ իրավիճակ, բայց այն արագ կարգավորվել է»,- ասել է Պեսկովը:   Լեռնային Ղարաբաղում ռուսաստանցի խաղաղապահների հրամանատար, գեներալ-լեյտենանտ Ռուստամ Մուրադովն ավելի վաղ նշել է, որ դեկտեմբերի 11-ին Հադրութի շրջանի Խծաբերդ և Հին Թաղեր արվարձաններում տեղի է ունեցել հրադադարի ռեժիմի խախտում, որը հետագայում խաղաղապահների ջանքերով վերացվել է:  Մուրադովի փոխանցմամբ, իրավիճակը կայունացվել է, խաղաղապահները մշտադիտարկում են անցկացնում և հայկական ու ադրբեջանական կողմերի ներկայացուցիչների հետ կապի մեջ:   https://www.azatutyun.am/a/31002200.html #Լուրեր