აშშ-ში ხმების დათვლა მიმდინარეობს

აშშ-ში ითვლიან ქვეყნის 46-ე პრეზიდენტის ასარჩევად მიცემულ ხმებს. პრეზიდენტის პოსტისთვის მეორე ვადით იბრძვის 74 წლის რესპუბლიკელი დონალდ ტრამპი და ყოფილი ვიცე-პრეზიდენტი, დემოკრატი ჯო ბაიდენი, რომელსაც 20 ნოემბერს 78 წელი უსრულდება. ამერიკელები პრეზიდენტს ირჩევენ არა პირდაპირ, არამედ შტატების მცხოვრებთა რაოდენობის პროპორციულად დაკომპლექტებული 538-წევრიანი საარჩევნო კოლეგიის მეშვეობით. არჩევნებში გასამარჯვებლად პრეზიდენტობის კანდიდატს სჭირდება სულ მცირე 270 ხმა. ამ დროისთვის დონალდ ტრამპს და ჯო ბაიდენს კოლეგიის წევრთა ხმების თანაბარი რაოდენობა აქვთ 83-83. შედეგებს შეგიძლიათ თვალი ადევნოთ აქ. აშშ-ში ხმის წინასწარ, მათ შორის ფოსტით მიცემის უფლებით ისარგებლა დაახლოებით ასმა მილიონმა ამომრჩეველმა, ამიტომ ხმების საბოლოოდ დათვლას შესაძლოა, დღეები დასჭირდეს. https://www.radiotavisupleba.ge/a/30929230.html #ახალი_ამბები #twitter