ბუბა კიკაბიძემ განმარტა რატომ იმღერა „თბილისო“-ს რუსული ვერსიაც ენმ-ის საარჩევნო შეკრებაზე

საარჩევნო ბლოკის ენმ - „ძალა ერთობაშია“-ს პარტიული სიის პირველმა ნომერმა ბუბა კიკაბიძემ თბილისში, თავისუფლების მოედანზე მიმდინარე საარჩევნო კამპანიის შემაჯამებელ შეკრებაზე კიდევ ერთხელ დაიკავა სცენა. მან განმარტა, რატომ იმღერა ღონისძიების გახსნაზე „თბილისოს“ რუსული ვერსიაც. „ჩემს ცხოვრებაში პირველად ვდგავარ ტრიბუნასთან, ამდენი ხალხი როა. ახლა ზარებმა დარეკეს, რომ ბუბაო, რატომ იმღერე ორი კუპლეტი რუსულადო, „თბილისო“? მე ვუთხარი, გაეგოთ, როგორი ლამაზი ქვეყანა ვართ“, - თქვა ბუბა კიკაბიძემ და სიტყვა გადასცა საქართველოს მესამე პრეზიდენტს, საარჩევნო ბლოკის პრემიერ-მინისტრობის კანდიდატს მიხეილ სააკაშვილს, რომელმაც ხალხს დისტანციურად მიმართა.   https://www.radiotavisupleba.ge/a/30919613.html #ახალი_ამბები #twitter