ნიკოლოზ ბასილაშვილის საქმეზე მოსამართლემ დაცვის მხარის შუამდგომლობა დააკმაყოფილა

ნიკოლოზ ბასილაშვილის საქმეზე მოსამართლემ დაცვის მხარის შუამდგომლობა დააკმაყოფილა, – ამის შესახებ ბასილაშვილის ადვოკატი ირმა ჭკადუა წერს. „ნიკოლოზ ბასილაშვილის საქმეზე, მოსამართლე ლევან გელოვანმა დააკმაყოფილა ბასილაშვილის ადვოკატების შუამდგომლობა, პროკურატურის მტკიცებულებებიდან ამორიცხა ნელი დოროყაშვილის სხეულის დათვალიერების ოქმი და ფოტო სურათები. ამასთან, ნიკოლოზ ბასილაშვილის ადვოკატების მიერ წარდგენილი მტკიცებულებები, სრული მოცულობით, სცნო დასაშვებად.. სასამართლო განხილვები 3 ნოემბრიდან განახლდება“, – წერს ირმა ჭკადუა.