Թուրքիան կարող է բացել Հայաստանի հետ սահմանները. Էրդողան

Թուրքիան կարող է բացել Հայաստանի հետ սահմանները, եթե Երևանը տարածաշրջանային խաղաղության համար դրական քայլեր ձեռնարկի, այս մասին այսօր Բաքվում Ադրբեջանի նախագահ Իլհամ Ալիևի հետ առանձազրույցից հետո հայտարարել է Թուրքիայի նախագահ Ռեջեփ Էրդողանը: «Մենք տարածաշրջանում խաղաղության կողմնակից ենք, պատրաստ ենք բացել դռները Հայաստանի համար։ Մենք հայ ժողովրդի հետ խնդիր չունենք», - նշել է Թուրքիայի նախագահը։ Էրդողանի խոսքով՝ Թուրքիան և այդ երկրի բնակիչները ատելություն չեն տածում հայ ժողովրդի նկատմամբ։ «Բոլոր խնդիրները Հայաստանի ղեկավարության հետ են», - շեշտել է Էրդողանը և հիշեցրել Թուրքիայում աշխատող Հայաստանի տասնյակ հազարավոր քաղաքացիների մասին։  Թուրքիայի առաջնորդը, ում վարչակազմը նախկինում Հայաստանի հետ սահմանները բացելու նախապայման էր համարում Լեռնային Ղարաբաղի հարակից յոթ շրջանների վերադարձը Ադրբեջանին, այժմ հայտարարում է, թե իրենք ցանկություն չունեն հարևան երկրի հետ մշտապես փակ պահելու սահմանները: https://www.azatutyun.am/a/30994241.html #Լուրեր