„ჩვენ არ გვაქვს საიდუმლოები,​როგორც კი ვიღებთ ინფორმაციას, მას გავცემთ, ვინაიდან ეს სიცოცხლეს ეხება”

http://pirveliradio.ge/?newsid=141887 „ჩვენ არ გვაქვს საიდუმლოები WHO-ში“, –განაცხადა მსოფლიო ჯანდაცვის ორგანიზაციის ხელმძღვანელმა თედროს გებრეიესუსმა. მან ბრიფინგი აშშ-ის ბრალდებებთან დაკავშირებით გამართა და განაცხადა , რინ ორგანიზაციაში კორონავირუსთან დაკავშირებით არცერთი ქვეყნის მონაცემები არ დაუმალავთ. „ჩვენ არ გვაქვს საიდუმლოები WHO–ში, როგორც კი ვიღებთ ინფორმაციას, მას გავცემთ, ვინაიდან ეს სიცოცხლეს ეხება“, – აღნიშნა გებრეიესუსმა. მან ასევე განაცხადა, რომ პოლიტიკური უთანხმოებები ადამიანების სიცოცხლის გადარჩენის მცდელობებს ხელს შეუშლის. „იცით მე საიდანაც ვარ – მე ვიცი ომი. მე ვიცი სიღარიბე. მე ვიცი დაავადება. მე ვიცი ადამიანები როგორ იტანჯებიან ამ პირობებში. მე ვიცი, როგორ იღუპებიან ადამიანები სიღარიბის გამო“, – აღნიშნა მსოფლიო ჯანდაცვის ორგანიზაციის ხელმძღვანელმა. შეგახსენებთ, აშშ-ის პრეზიდენტმა დონალდ ტრამპმა განაცხადა, რომ ის წყვეტს მსოფლიო ჯანდაცვის ორგანიზაციის დაფინანსებას, ვინაიდან მან ვერ შეძლო სათანადოდ ეპიდემიის მართვა და ზედმეტად მიენდო ჩინეთს.