დიდი რაოდენობით ტესტირების გამო პასუხების მიღების დრო სამ დღემდე გაიზარდა - თამარ გაბუნია

საქართველოს ჯანდაცვის მინისტრის მაოდგილემ დღეს განმარტება გააკეთა ტესტირების პასუხების დაგვიანებასთან დაკავშირებით. თამარ გაბუნიას განცხადებით, დიდი რაოდენობით ტესტების გამო დაყოვნების დრო 3 დღემდე გაიზარდა. 'იყო გარკვეული დაგვიანება იმ კუთხით, რომ თუ ადრე 24 საათში გვქონდა პასუხი დიდი რაოდენობით ტესტირების გამო დაყოვნების დრო გაიზარდა დაახლოებით 3 დღემდე. ზოგჯერ საჭირო ხდება პასუხის გადამოწმება და ამას შესაძლოა დამატებითი დრო დასჭირდეს. ამ მხრივ საველე ტესტირების პასუხები სრულად ამოწურულია და ჩვენ ვფიქრობთ ხვალ-ზეგიდან უკვე დავბრუნდებით ისევ 24 საათიანი ტესტირების პასუხს. აქ მთავარია, რომ როცა ადამიანი მომლოდინეთა რიგებშია, მათ დაიცვან თვითიზოლაციისწესები'-თამარ გაბუნია.