თბილისში ინფიცირების მაჩვენებელმა 2 ათასს გადააჭარბა

ბოლო 24 საათში თბილისში კორონავირუსით ინფიცირების პიკური მაჩვენებელი დაფიქსირდა. ბოლო დღე-ღამეში ვირუსი 2 ათასზე მეტ პირს დაუდასტურდა, რაც საქართველოში გამოვლენილი შემთხვევების (3 958) ნახევარზე მეტია. ინფიცირების მაჩვენებლები რეგიონების მიხედვით ასე გადანაწილდა: თბილისში - 2 157; აჭარა - 417; იმერეთი - 537; ქვემო ქართლი - 190; შიდა ქართლი - 137; გურია - 78; სამეგრელო - ზემო სვანეთი - 159; კახეთი - 140; მცხეთა-მთიანეთი - 89; სამცხე-ჯავახეთი - 40; რაჭა-ლეჩხუმი და ქვემო სვანეთი - 14. თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, სულ აღრიცხულია 108 690 შემთხვევა. გასული დღე-ღამის განმავლობაში 3531-ით გაიზარდა კორონავირუსისგან განკურნებულთა რიცხვი. სულ გამოჯანმრთელებულია 89 170. ბოლო 24 საათში გარდაიცვალა 36 პაციენტი. გარდაცვლილთა საერთო რიცხვი 1 012-მდე გაიზარდა. https://www.radiotavisupleba.ge/a/30964127.html #ახალი_ამბები #twitter #კორონავირუსი_(covid-19)