12 წლით პატიმრობა მიუსაჯეს ბელარუსის პრეზიდენტის პირადი დაცვის ყოფილ უფროსს

ბელარუსის უმაღლესმა სასამართლომ 12 წლით თავისუფლების აღკვეთა მიუსაჯა ანდრეი ვტიურინს, ბელარუსის პრეზიდენტ ალექსანდ ლუკაშენკოს დაცვის ყოფილ უფროსსა და უშიშროების საბჭოს სახელმწიფო მდივნის ყოფილ მოადგილეს. ვტიურინი 2019 წელს დააპატიმრეს ქრთამის აღებისა და ქრთამის მიცემის წაქეზების ბრალდებით. გამოძიების თანახმად, მან 180 000 ამერიკული დოლარი აიღო რუსეთის ორ მოქალაქის, კომპანია „სმართლაბსის“ და "УГМК-ტელეკომის“ ხელმძღვანელების, ვლადიმირ კაზანცევისა და ვიტალი გორბაჩოვისგან. ვტიურინმა დანაშაული ნაწილობრივ აღიარა. რუსეთის მოქალაქე ანდრეი ვტიურინი, თითქმის 20 წლის განმავლობაში მუშაობდა ბელარუსის პრეზიდენტის უსაფრთხოების სამსახურში, ხოლო 7 წელი სათავეში ედგა, ალექსანდრ ლუკაშენკას დაცვის სამსახურს. ბელარუსული მედიის თანახმად, ვტიურინი ლუკაშენკოს „უახლოეს გარემოცვაში“ შედიოდა და მის სახელს 10 ყველაზე გავლენიან ბელარუსთა შორის მოიხსენიებდნენ. https://www.radiotavisupleba.ge/a/30749524.html #ახალი_ამბები #twitter