ქალი, რომლის დაწვაც მამაკაცმა სცადა კლინიკაშია მოთავსებული

ახალგაზრდა ქალი, სხეულის დამწვრობით ხეჩინაშვილის სახელობის კლინიკის რეანიმაციულ განყოფილებაშია მოთავსებული. რადიო თავისუფლებასთან საუბარში  დამწვრობის ცენტრის ხელმძღვანელი გუგა ქაშიბაძე ამბობს, რომ ქალს სხეულის 37%-ის დამწრობა აქვს მიღებული, ძირითადად ქვედა კიდურებზე. „პაციენტი გამთენიისას  შემოიყვანა 112-ის ბრიგადამ, მას ქვედა კიდურების დამწვრობა აქვს მიღებული. პაციენტი ამჟამად კონტაქტურია და ადეკვატურია, თუმცა ეს დამწვრობისთვის არის ზოგადად დამახასიათებელი, მისი მდგომაროება სტაბულურია, თუმცა საკმაოდ სერიოზული დიაგნოზია“,- ამბობს გუგა ქაშიბაძე. შსს-მ განზრახ მკვლელობის მცდელობისთვის 1996 წელს დაბადებული მამაკაცი უკვე დააკავა. გამოძიება სისხლის სასამთლის კოდექსის 19-108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ შ.გ.-მ, ურთიერთშელაპარაკებისას, 1996 წელს დაბადებულ ს.შ.-ს საცხოვრებელ სახლთან სიტყვიერი და ფიზიკური შეურაცხყოფა მიაყენა, ბენზინი მიასხა და ცეცხლი წაუკიდა. ს.შ. მიღებული სხეულის დამწვრობით კლინიკაში გადაიყვანეს. სამართალდამცველებმა ნივთმტკიცებად ბენზინის ბოთლი ამოიღეს. დაკავებული დანაშაულს აღიარებს“,- ნათქვამია შსს-ს განცხადებაში.         https://www.radiotavisupleba.ge/a/30698440.html #ახალი_ამბები #twitter