Մոսկվայի մարզում ոչնչացրել են ենթադրյալ ահաբեկչին

ՏԱՍՍ լրատվական գործակալության փոխանցմամբ, Ռուսաստանի հատուկ ծառայությունները Մոսկվայի մարզի Խիմկի քաղաքում ոչնչացրել են մի տղամարդու, ով, ենթադրաբար, մտադիր էր ահաբեկչական գործողություն իրականացնել Մոսկվայում: «Հուլիսի 26-ին հատուկ ծառայության աշխատակիցները Խիմկիում փորձել են ձերբակալել կասկածյալին, վերջինս կրակ է բացել և պատասխան կրակով չեզոքացվել է», - ասել է Մոսկվայի մարզի Քննչական վարչության խոսնակ Օլգա Վրադիյը: Իրավապահները տեղում առգրավել են ԱԿ-47 տեսակի ինքնաձիգ, երկու փամփշտակալ և երկու նռնակ: Ռուսաստանի անվտանգության դաշնային ծառայության փոխանցմամբ, սպանված անձը, ենթադրաբար, մտադիր էր մայրաքաղաք Մոսկվայում մարդաշատ վայրում գնդակահարել մեծ թվով մարդկանց: https://www.azatutyun.am/a/30749252.html #Լուրեր