ბილ გეითსი - არასდროს ვყოფილვარ ჩართული რამე ისეთში, რაც მიკროჩიპებს ეხება

რთულია ჩემ შესახებ შეთქმულების თეორიების უარყოფა, რადგან ძალიან სულელური თეორიებია The Microsoft-ის დამფუძნებელმა, ბილ გეითსმა უარყო გავრცელებული შეთქმულების თეორიები იმის თაობაზე, რომ კორონავირუსის ვაქცინის გამოყენებით იგი კაცობრიობის ჩიპირებას აპირებს. „არასდროს ვყოფილვარ ჩართული რამე ისეთში, რაც მიკროჩიპებს ეხება. რთულია ამის უარყოფა, რადგან ძალიან სულელური ან უცნაური თეორიებია“, - განაცხადა ბილ გეითსმა. ბილ გეითსმა ათღნიშნა, რომ მისი ფონდი თანხებს იღებს ვაქცინების შესაძენად და ზუსტად ამის გამო დაინახეს მათ პანდემიის რისკი, რაზეც საჯაროდ განაცხადეს. კორონავირუსთან დაკავშირებით ბილ გეითსზე შეთქმულებების თეორიები სოციალურ მედიასა და ტელევიზიაშია გავრცელებული. Yahoo News-ისა და YouGov-ის მიერ ჩატარებულ გამოკითხვაში რესპონდენტთა 28%-მა განაცხადა, რომ ამ შეთქმულების თეორიების სჯერა.