ბათუმში კორონავირუსის კიდევ ერთი შემთხვევა დადასტურდა

http://pirveliradio.ge/?newsid=142500 ბათუმში კორონავირუსის კიდევ ერთი შემთხვევა დადასტურდა - ინფიცირებული 60 წლამდე ქალია და ის ქობულეთის კლასტერს უკავშირდება. პაციენტი ბოლო 2 კვირის განმავლობაში თვითიზოლაციაში იმყოფებოდა. მას მინიმალური კლინიკური სიმპტომები აღენიშნება. აჭარის ჯანდაცვის მინისტრის მოადგილის ნინო ნიჟარაძის განცხადებით, გასული დღე-ღამის განმავლობაში ლაბორატორიამ 210 პირის ანალიზი შეისწავლა, მათგან მხოლოდ ერთის პასუხი იყო დადებითი. კლინიკა "მედალფაში" ამ ეტაპზე, 31 პაციენტი რჩება. მათგან ერთის მდგომარეობა კრიტიკულია.