აჭარის ტელევიზიის 149 თანამშრომელს კორონავირუსი არ დაუდგინდა

აჭარის ტელევიზიის და რადიოს 149 თანამშრომლის კორონავირუსზე აღებული ტესტების ყველა პასუხი უარყოფითია. მაუწყებლის თანამშრომელთა გამოკვლევა 4 სექტემბერს დაიწყო, როცა COVID-19 დაუდასტურდა მაუწყებლის ერთ ერთ თანამშრომელს. უსაფრთხოების მიზნით, აჭარის საზოგადოებრივმა მაუწყებელმა მუშაობა შეაჩერა 5 აგვისტოს. მისი ეთერით დროებით საქართველოს პირველი არხის პროგრამა გადაიცემა. საზოგადოებრივი მაუწყებლის აჭარის ტელევიზიისა და რადიოს ხელმძღვანელების განცხადებით, ტესტირებას გაივლის ტელევიზიის 300-ზე მეტი თანამშრომელი და მხოლოდ ეპიდემიოლოგიური კვლევის დასრულების შემდეგ გახდება ცნობილი, რა ფორმატით შეძლებს აჭარის ტელევიზია მუშაობის განახლებას.   https://www.radiotavisupleba.ge/a/30823667.html #ახალი_ამბები #twitter