ბლოგერები აჭარაში მოგზაურობის შესახებ წერენ

შიდა ტურიზმის სტიმულირებისა და რეგიონის ნაკლებად ცნობილი ტურისტული პროდუქტების პოპულარიზაციის მიზნით აჭარის ტურიზმის დეპარტამენტმა ინფოტურშიქართველიბლოგერები და ინფლუენსერები ჩართო. ბლოგერებმა მოგზაურობა კინტრიშის ეროვნული პარკიდან დაიწყეს და ერთი კვირის განმავლობაში აჭარის ყველა მუნიციპალიტეტში არსებული ცნობილი და ნაკლებად ცნობილი ტურისტული ადგილები დაათვალიერეს. მათ შორის, მტირალას ეროვნული პარკი, მაჭახელა, ჩირუხის მთა, მერისის ხეობა, კურორტი ბეშუმი და მწვანე ტბა. მაღალმთიანი აჭარის ტურისტული მარშრუტების პოპულარიზაციის მიზნით დეპარტამენტი ინფოტურებს გიდებისთვის, ტურისტული სააგენტოებისა და მედიის წარმომადგენლებისთვისაც გეგმავს.