ԵԱՀԿ Մինսկի խմբի համանախագահները ողջունում են հումանիտար հրադադարի համաձայնությունը

ԵԱՀԿ Մինսկի խմբի համանախագահներ Իգոր Պոպովը (Ռուսաստանի Դաշնություն), Ստեֆան Վիսկոնտին (Ֆրանսիական Հանրապետություն) և Էնդրյու Շոֆերը (Ամերիկայի Միացյալ Նահանգներ) ողջունում են Ադրբեջանի, Հայաստանի և Ռուսաստանի արտաքին գործոց նախարարներ Ջեյհուն Բայրամովի, Զոհրաբ Մնացականյանի և Սերգեյ Լավրովի համատեղ հայտարարությունը մարդասիրական հրադադար հայտարարելու մասին և կողմերին կոչ են անում ամբողջությամբ կատարել ստանձնած պարտավորությունները: Համանախագահները և ԵԱՀԿ գործող նախագահի անձնական ներկայացուցիչ Անջեյ Կասպշիկը ներկայումս ակտիվ կապի մեջ են Կարմիր խաչի միջազգային կոմիտեի հետ և  քննարկում են զոհվածների աճյունների և անազատության մեջ հայտնված անձանց վերադարձին առնչվող կազմակերպական հարցերը: Համանախագհահները կողմերին կոչ են անում նշված խնդրի կատարման համար շտապ կարգով տրամադրել անվտանգության և կազմակերպական երաշխիքներ: Համանախագահները շարունակում են ակտիվորեն համագործակցել կողմերի հետ՝ նպատակ ունենալով նպաստել հրադադարի կոնկրետ պարամետրերի շուրջ նրանց ջանքերին և համաձայնեցված սկզբունքների ու ձևաչափի հիման վրա բովանդակային բանակցությունների միջոցով հասնել հակամարտության կարգավորմանը:   https://www.azatutyun.am/a/30839933.html #Լուրեր