თურქეთში მიწისძვრის შედეგად გარდაცვლილთა რაოდენობა 25-მდე გაიზარდა

თურქეთში მომხდარი მიწისძვრის შედეგად გარდაცვლილთა რაოდენობა 25-მდე გაიზარდა. თურქული მედიის ცნობით, იზმირის, აიდინის, მანისასა და ბალიკესირის პროვინციებში საერთო ჯამში 804 ადამიანი დაშავდა. თურქეთის ჯანდაცვის მინისტრის განცხადებით, საავადმყოფოებში 435 ადამიანი მკურნალობს, ხოლო 25 რეანიმაციაში იმყოფება, ცხრას კი ოპერაცია უტარდება. თურქეთის კატასტროფების მართვის სააგენტოს მონაცემებით, გუშინ 6.6 მაგნიტუდის სიმძლავრის მიწისძვრას 389 ბიძგი მოჰყვა, მათივე ცნობითმაშველებმა ნანგრევებიდან სულ მცირე 100 ადამიანი ცოცხალი ამოიყვანეს.