ՔԿ. Ալկոհոլային թունավորումից 9 բնակիչ մահացել է, ևս 2-ը գտնվում են ծանր վիճակում

Հայասըանի քննչական կոմիտեի Արմավիրի մարզային քննչական վարչությունում շարունակվում է Արմավիր քաղաքի բնակիչների թունավորման դեպքի առթիվ հարուցված քրեական գործի նախաքննությունը: ՔԿ-ից ավելի վաղ փոխանցել են, որ Արմավիրի մի շարք բնակիչներ ձեռք են բերել անհայտ ծագման, սպառողների կյանքի և առողջության անվտանգության պահանջներին չհամապատասխանող ալկոհոլային խմիչք, որի գործածման հետևանքով թունավորվել են: 9 անձ մահացել է, ևս 2 անձ գտնվում է ծանր վիճակում: Անվտանգության պահանջներին չհամապատասխանող ապրանքներ իրացնելու կասկածանքով ձերբակալվել է Արմավիր քաղաքի բնակիչ՝ Աշոտ Լենդրուշի Հովսեփյանը՝ ծնված 1970թ.:         https://www.azatutyun.am/a/30815227.html #Լուրեր