ახალციხეში მაღაზიაზე თავდამსხმელი დააკავეს

შინაგან საქმეთა სამინისტროს თანამშრომლებმა, ახალციხის ერთ-ერთ მაღაზიაში შეჭრილი მამაკაცი დააკავეს. 35 წლამდე მამაკაცი პოლიციამ შემთხვევის ადგილზევე აიყვანა. საგამოძიებო უწყებაში ამბობენ, რომ გამოძიება სისხლის სამართლის კოდექსის 178-ე მუხლის მესამე ნაწილით მიმდინარეობს, რაც ძალადობით ძარცვას გულისხმობს. მამაკაცი მაღაზიაში დაახლოებით, 17:30 საათზე შეიჭრა. თვითმხილველების თქმით, მან მომენტალური ლატარიის ბილეთი შეიძინა. მას შემდეგ, რაც აღმოაჩინა, რომ ვერაფერი მოიგო, გამყიდველს თანხის დაბ რუნება მოსთხოვა.