გზის რომელი მონაკვეთის სარეაბილიტაციოდ გამოიყო 2,7 მილიონი ლარი?

2,7 მლნ ლარი გამოიყო იმ გზის სარეაბილიტაციოდ, რომელიც კავთისხევი-ახალქალაქს შორის მდებარეობს. ,,კასპიცემენტის" მანქანების მიერ დაზიანებულ საავტომობილო გზაზე ახალი ასფალტი დაიგება. თანხა საქართველოს რეგიონალური განვითარებისა და ინფრატრუქტურის სამინისტრომ გამოყო. ტენდერში მონაწილეობას კომპანია ,,მილენიუმ ბილდერს გრუპ" იღებს. მის მიერ შეთავაზებულ წინადადებებს უკვე სწავლობენ. ჯერ კიდევ ორი წლის წინ, შიდა ქართლის მაშინდელ გუბერნატორს, კახაბერ სამხარაძეს გზის შესახებ ვკითხეთ, თუმცა პასუხი არ გაგვცა. რეგიონალური განვითარების სამინისტროდან გვაცნობეს, რომ გზის პროექტირება 2018 წელს მოხდებოდა,ხოლო სამუშაოები 2019 წელს ჩატარდებოდა. დაზიანებული გზით ტურისტები მოძრაობენ რკონის, ერთაწმინდის, გოსტიბეს, ცხავერისა და ნოსტეს მიმართულებით. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com წყარო - shidaqartli.ge #სიახლე #goridaily #ახალიამბები