გიგა ბოკერია: წელს გარდამტეხი ცვლილებები იქნება

„ნაციონალურ მოძრაობის“ დღევანდელი ნაბიჯით დადასტურდა, რომ სურს 2012 წლამდე ვითარების დაბრუნება, ჩვენს ქვეყანას კი სჭირდება ცვლილებები და წინსვლა, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ გაერთიანებული ოპოზიციის მიერ პრემიერ-მინისტრობის კანდიდატად მიხეილ სააკაშვილის წარდგენის შესახებ საუბრისას განუცხადა. ბოკერიას თქმით, ივანიშვილი ამ „კარტის“ გათამაშებას შეეცდება. „ეს კარტი არის, რომ თუ ბიძინა არ არის, მიშა უნდა იყოს. ეს ასე არ იქნება, წელს იქნება გარდამტეხი ცვლილებები. იქნება კოალიციური მთავრობა. ჩვენ რატომ უნდა ვუჭერდეთ მხარს კონკურენტების კანდიდატებს? ჩვენ გვინდა მომავალი“,- განაცხადა ბოკერიამ.