მსოფლიო ბანკი - 60 მილიონ ადამიანს უკიდურესი სიღარიბე ემუქრება

მსოფლიოში 60 მილიონამდე ადამიანს უკიდურესი სიღარიბე ემუქრება. ამის შესახებ მსოფლიო ბანკის პრეზიდენტმა დევიდ მალპასმა განაცხადა. მისივე თქმით, კორონავირუსის პანდემიის გამო გლობალური ეკონომიკა წელს 5 პროცენტით შემცირდება. „ჩვენი შეფასებით, 60 მილიონამდე ადამიანი უკიდურეს სიღარიბეში აღმოჩნდება. ეს კი უკანასკნელი სამი წლის განმავლობაში სიღარიბის აღმოფხვრის კუთხით მიღწეული პროგრესის სრულ დაკარგვას ნიშნავს,“ - განაცხადა მალპასმა. ცნობისათვის, მსოფლიო ბანკის განსაზღვრებით „უკიდურესი სიღარიბე“ ნიშნავს მდგომარეობას, როდესაც ერთი ადამიანის დღიური საარსებო თანხა 1.90 აშშ დოლარზე ნაკლებია. #მსოფლიობანკი #კოვიდ19 #პანდემია #ეპიდემია #სიღარიბე