აფხაზეთში კორონავირუსით მეექვსე პაციენტი გარდაიცვალა

გუდაუთის კლინიკაში კორონავირუსით 78 წლის პაციენტი გარდაიცვალა. აფხაზეთის ჯანდაცვის უწყების ცნობით, პაციენტი კლინიკაში 29 აგვისტოდან მკურნალობდა. ოფიციალური ცნობითვე, პაციენტს ჰქონდა ორმხრივი პნევმონია თანმხლები დაავადებების – შაქტიანი დიაბეტის, მესამე სტადიის ჰიპერტონიისა და თირკმელების ქრონიკური დაავადებების ფონზე. დღევანდელი, 10 სექტემბრის მონაცემებით, აფხაზეთში კორონავირუსის 557 შემთხვევაა გამოვლენილი [ქართული მხარე აფხაზეთის სტატისტიკას არ ენდობა]. ამჟამად გუდაუთის ჰოსპიტალში, რომელიც აფხაზეთში კორონავირუსის მქონე პაციენტებს ემსახურება, 53 ადამიანი მკურნალობს, მათგან ექვსი – მძიმე, 11 კი – საშუალო სიმძიმის პაციენტად მიიჩნევა. პირველ აგვისტოს, რუსეთთან საზღვრის გახსნის შემდეგ, აფხაზეთში კორონავირუსის შემთხვევები დღეში საშუალოდ 20-30-40-მდე გაიზარდა. ადგილობრივი ჯანდაცვის უწყება აფხაზეთის მოსახლეობას მეტი სიფრთხილისკენ მოუწოდებს. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. - #აფხაზეთიდან #კორონა #კორონავირუსი #covid19_ #covid #აფხაზეთისამაჩაბლოსაქართველოა #აფხაზეთი #აფხაზეთისაქართველოა #SokhumiDaily #sokhumi