Viber ფეისბუქთან საქმიან ურთიერთობას წყვეტს

Viber-ი ფეისბუქზე რეკლამის განსათავსებლად თანხას აღარ გადაიხდის და საკუთარი პლატფორმიდან სოციალური ქსელის მფლობელობაში არსებულ ყველა აპლიკაციას წაშლის. Rakuten Viber-ის ბლოგში ნათქვამია, რომ კომპანია ფეისბუქთან ყველა სახის საქმიან ურთიერთობას წყვეტს, რითაც StopHateForProfit მოძრაობას უერთდება და სოციალურ ქსელს ბოიკოტს უცხადებს. Viber-ი სოციალურ ქსელს მომხმარებლების პირადი ინფორმაციის გამოყენებისა და რასისტული შინაარსის მქონე პოსტების შეზღუდვის უუნარობის გამო აკრიტიკებს. თანამშრომლობის გაწყვეტის გამო Viber-ი საკუთარი პლატფორმიდან წაშლის ფეისბუქით ავტორიზაციას, Facebook SDK-ს და GIPHY-ს. კომპანია ასევე აღარ ისარგებლებს ფეისბუქის და ინსტაგრამის ფასიანი რეკლამის მომსახურებით. ვაიბერი ფეისბუქი TbilisiDaily