რომელ აფთიაქში მუშაობდა ინფიცირებული ფარმაცევტი?

ბოლო 24 საათში, გორის მუნიციპალიტეტში კორონავირუსი 5 ადამიანს დაუდასტურდა. ამის შესახებ, შიდა ქართლის გუბერნატორის მოვალეობის შემსრულებელმა სიმონ გულედანმა განაცხადა. მისი ცნობით, ინფიცირებულთა შორის არის ჯი-პი-სის აფთიაქის თანამშრომელი. "აფთიაქის თანამშრომლის დაინფიცირების წყარო უცნობია. გამოვლენილია მისი 16 კონტაქტი, რომლებიც თვითიზოლაციაში გადავიდნენ. გარდა ამისა, 2 შემთხვევა ნადარბაზევის კლასტერს უკავშირდება, 2 კი, ტირძნისს" , - განმარტა გულედანმა. მისივე ცნობით ახალი 5 შემთხვევა 29 სექტემბერს გაგზავნილი 185 ნიმუშიდან გამოვლინდა, მათი პასუხი გვიან ღამით გახდა ცნობილი, ხოლო გუშინ ლუგარის ლაბორატორიაში 231 ნიმუში გაიგზავნა, მათი პასუხები ჯერ უცნობია. ________________ ამ სტატიას კითხულობთ პლატფორმა Feedc -ზე.Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. #ახალიამბები #კორონავირუსი #goridaily #გორი წყარო: რადიო მოზაიკა