Աշխարհում կորոնավիրուսի նոր դեպքերի թիվն էլի աճում է

Աշխարհում կորոնավիրուսի նոր ախտահարումների թիվը վերջերս փոքր-ինչ նվազել է, սակայն անցած օրերին վերստին աճ է գրանցել: Ընդհանոուր հաշվով աշխարհում վարակվել է 113 միլիոն 820 հազար մարդ, մահացել է ավելի քան 2 միլիոն 520 հազար հիվանդ: Առողջապահության համաշխարհային կազմակերպության ղեկավարը դա հիասթափեցնող նորություն է անվանել: «Անցած 6 շաբաթների ընթացքում COVID-19-ի դեպքերի թիվը նվազում էր, բայց անցած շաբաթ աճի միտում է սկսվել, դա գրանցվում է Հյուսիսային և Հարավային Ամերիկայում, Հարավարևելյան Ասիայում և Արևելյան Միջերկրականում»,- ասել է Տեդրոս Ադհանոմ Գեբրեյեսուը: ԱՀԿ գործադիր տնօրեն Մայքլ Ռայանի փոխանցմամբ, շնորհիվ վակցինայի կիրառման, իրավիճակն ընդհանուր առմամբ որոշակիորեն բարելավվել է, սակայն իրատեսական չէ հույսն առ այն, որ կորոնավիրուսի համավարակը կավարտվի այս տարեվերջին: «Վաղաժամ է խոսել համավարակի ավարտի հնարավոոր ժամկետի մասին, տեսեք, թե ինչ թվեր են, մեր առաջնահերթությունը պետք է լինի հնարավորինս նվազեցնել հիվանդանոցներ փոխադրվողների թիվը, նվազեցնել մահվան վիճակագրությունը, և երբ այդ թվերն կիջնեն՝ այդ դեպքում ոչ թե վիրուսն, այլ մենք կդառնանք իրավիճակը հսկողն»,- ասել է Ռայանը:   https://www.azatutyun.am/a/31129247.html #Լուրեր #Կորոնավիրուս