CISA: 3 ნოემბრის არჩევნები იყო ამერიკის ისტორიაში ყველაზე უსაფრთხო არჩევნები

აშშ-ის პრეზიდენტის არჩევნების უსაფრთხოებაზე პასუხისმგებელი უწყებების ხელმძღვანელთა განცხადებით, არ არსებობს არანაირი მტკიცებულება, რომ კენჭისყრის რომელიმე სისტემამ ხმები წაშალა, დაკარგა, ან შეცვალა. კიბერუსაფრთხოებისა და ინფრასტრუქტურის უსაფრთხოების სააგენტოს(CISA) ვებსაიტზე გამოქვეყნებული ოფიციალური განცხადების თანახმად, 3 ნოემბრის არჩევნები ამერიკის ისტორიაში ყველაზე უსაფრთხო არჩევნები იყო და მიუხედავად არაერთი დაუსაბუთებელი განცხადებისა, სრულად არიან დარწმუნებული, რომ არჩევნები უსაფრთხოდ და პატიოსნად ჩატარდა. არჩევნების ძირითად დღემდე, 3 ნოემბრამდე აშშ-ის დაახლოებით ასმა მილიონმა მოქალაქემ ისარგებლა ხმის ფოსტით, ან ელექტრონულად მიცემის უფლებით. საპრეზიდენტო არჩევნების წინასწარი შედეგებით, დემოკრატ კანდიდატს, ჯო ბაიდენს უკვე აქვს პრეზიდენტად არჩევისთვის საჭირო 270-ზე მეტი ხმა საარჩევნო კოლეგიიდან. ქვეყნის მოქმედმა პრეზიდენტმა, რესპუბლიკელმა დონალდ ტრამპმა, რომელიც დამარცხებას არ აღიარებს და მყარი მტკიცებულებების გარეშე საუბრობს არჩევნების გაყალბებაზე, არაერთი სასამართლო დავა წამოიწყო.   https://www.radiotavisupleba.ge/a/30945730.html #ახალი_ამბები #twitter