ზუგდიდელი მგალობლისა და მესანთლის კონტაქტების პასუხები ცნობილია

ზუგდიდში, ივერიის ღვთისმშობლის ტაძრის მგალობელს ახალი კორონავირუსი დაუდასტურდა. ის ამავე ეკლესიის მესანთლე ქალის კონტაქტია. მერიის „საზოგადოებრივი ჯანდაცვის ცენტრის“ ინფორმაციით, გამოკვლეულია მისი 31 კონტაქტის ბიოლოგიური ნიმუში და ყველა პასუხი უარყოფითია. პისიარ ტესტი, მრევლთან ერთად, სასულიერო პირებსაც ჩაუტარდა, მათ კოვიდ-19 არ დაუდგინდათ. ამ დროისთვის თვითიზოლაციაშია ტაძრის მრევლისა და სასულიერო პირების ნაწილი, მათ შორის, სავარაუდოდ, ზუგდიდის და ცაიშის მიტროპოლიტი მეუფე გერასიმე. „ეს არ გვაძლევს დამშვიდების საბაბს. ეს ხალხი თვითიზოლაციაში იქნება 12 დღე და ამ დროის გასვლის შემდეგ კვლავ ჩაუტარდებათ ტესტირება. ამის შემდეგ შეგვიძლია ვთქვათ, ეს ხალხი ჯანმრთელია თუ ვირუსმატარებელი“, - აღნიშნა ჯანდაცვის ცენტრის ხელმძღვანელმა ნანა ოდიშარიამ. ინფორმაციისთვის, ზუგდიდში კორონავირუსი 22 სექტემებრს ორ პირს დაუდგინდა და ამ დროისთვის ინფიცირებულია მათი 18 კონტაქტი. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. წყარო: რადიო ათინათი #კორონავირუსი #სამეგრელო #zugdididaily