დისტანციური სწავლება ხულოს ბაღებშიც დაინერგა
Batumi Daily
დისტანციური სწავლება ონლაინ-საშუალებების გამოყენებით უკვე ხულოს საბავშვო ბაღებშიც დაინერგა.
თუმცა, ონლაინ-სწავლება ხულოს მუნიციპალიტეტის ყველა ბაღში არ აღმდგარა. ხულოს, სოფელ ვაშლოვანისა და ქედლების საბავშვო ბაღებში მიმდინარეობს დისტანციური სწავლება, სხვა ბაღებში კი - არა. როგორც თვითმმართველობაში განაცხადეს, მომავალი კვირიდან დისტანციურ პროგრამაში უკვე ყველა ბაღი ჩაირთვება. ამისთვის სპეციალური ვებ-პლატფორმის გამოყენება იქნება შესაძლებელი და ბავშვებს მშობლების საშუალებით დაუკავშირდებიან. სულ ხულოში 27 ბაღი ფუნქციონირებს.
ადრე გავრცელდა ცნობა, რომ დისტანციურ სწავლებაზე ქედის ბაღებიც გადავიდნენ, ისევე როგორც ხელოვნების სტუდია და აჭარაში მდებარე უნივერსიტეტები. დისტანციური სწავლება ბაღში ძირითადად, სკოლისთვის მოსამზადებელ საფეხურზე დაინერგა და ასეთი განათლების ძირითადი მიზანია სკოლისთვის მოსამზადებელი პროგრამის გავლა დისტანციურად გახდეს შესაძლებელი.
#ბაღები #დისტანციური_განათლება #ონლაინ #სწავლა #batumidaily