იმედი მაქვს, არანაირი როლი არ მექნება არჩევნებში - ზურაბიშვილი

http://pirveliradio.ge/?newsid=143773 იმედი მაქვს, არანაირი როლი არ მექნება არჩევნებში, თუ ყველაფერი ისე წავიდა არჩევნებისკენ, როგორც მე იმედი მაქვს და ვხედავ, რომ შეიძლება დაწყნარდეს სიტუაცია, არანაირი როლი - ამის შესახებ განცხადება, საქართველოს პრეზიდენტმა სალომე ზურაბიშვილმა “ღამის კურიერისთვის” მიცემულ ექსკლუზიურ ინტერვიუში განაცხადა. “არა! თქვენ ახსენეთ კონსტიტუცია და ამით დავიწყეთ საუბარი, თუ რა მითხრა ბიძინა ივანიშვილმა არჩევნების მეორე დღეს. ცხოვრებაში, მე ასე მესმის – შეიძლება, ვიღაცამ დაგიჭიროს მხარი და ამის მადლიერი უნდა იყო, მაგრამ ეს არ ნიშნავს, რომ ეს შეცვლის შენს ქმედებებს იმ ახალ ფუნქციაში, რომლისთვისაც შენ ხალხმა აგირჩია. ხალხმა ამირჩია, როგორც ზეპარტიული, როგორც მიუკერძოებელი ადამიანი, რომელიც კონსტიტუციის და სტაბილურობის გარანტი უნდა გახდეს ამ ქვეყანაში მშვიდობის შენარჩუნების. ამისთვის ვარ, ყველა ნაბიჯი, რომელიც გადავდგი ქვეყანაში არჩევნების შემდგომ, იყო ამისკენ მიმართული. არა მგონია, რომ რომელიმე პარტიული ნაბიჯი გადამედგას და ასე გავაგრძელებ. იმედი მაქვს, არანაირი როლი არ მექნება არჩევნებში, თუ ყველაფერი ისე წავიდა არჩევნებისკენ, როგორც მე იმედი მაქვს და ვხედავ, რომ შეიძლება დაწყნარდეს სიტუაცია, არანაირი როლი. თუ რამე აირია, შეიძლება და იმედი მაქვს დიდი, რომ ეს ასე არ მოხდება. მჯერა კიდევაც რომ არ მოხდება, გავიარეთ ყველაზე გრძელი ნაწილი ამ გზის და მივალთ ბოლომდე,”- განაცხადა პრეზიდენტმა.