ჩავანაცვლოთ ქუჩა ყველა დონის საკანონმდებლო ორგანოების ტრიბუნით - გრიგოლ ვაშაძე

'ნაციონალური მოძრაობის' თავმჯდომარე გრიგოლ ვაშაძე მის განცხადებასთან დაკავშირებით დამატებით განმარტებას ავრცელებს. 'მოქალაქეთა პროტესტი უნდა გაგრძელდეს; ამ პროტესტს სასწრაფოდ უნდა დაემატოს პოლიტიკური კომპონენტი - სამართლიანი არჩევნების პრინციპების განხორციელების თაობაზე მოლაპარაკებების სახით სტრატეგიული მოკავშირეების მედიაციით; სანამ/თუ მოლაპარაკებები წარმატებით არ დასრულდება არც მეორე ტურში მონაწილეობას არ ვღებულობთ და არც პარლამენტში არ შევდივართ; ერთხელ და სამუდამოდ ყველა უნდა დავიძაბოთ, რომ მომავალში ქუჩის პროტესტმა ნორმალური პროცესი არ ჩაანაცვლოს არჩევნების გაყალბების გამო'- წერს გრიგოლ ვაშაძე სოციალურ ქსელში. აღნიშნულ განმარტებამდეგავრცელდა ინფორმაცია, რომ გრიგოლ ვაშაძე პოლიტიკურ პარტიებს მიმართავდა გადაეტანათ პროცესი მოლაპარაკების მაგიდასთან. 'მივმართავ ყველა პოლიტიკურ პარტიას: სასწრაფოდ გადავიტანოთ პროცესი მოლაპარაკების მაგიდასთან, ჩავანაცვლოთ ქუჩა ყველა დონის საკანონმდებლო ორგანოების ტრიბუნით და ყველა ძალას მოვუხმოთ სახელმწიფოს ღრმა კრიზისიდან გამოსაყვანად'- აცხადებდა გრიგოლ ვაშაძე.