44% თვლის, რომ ქვეყანა არასწორი მიმართულებით ვითარდება - NDI-ის კვლევა

NDI-ის ახალი კვლევის მიხედვით, საქართველოში გამოკითხულთა უმეტესობას მიაჩნია, რომ ქვეყანა არასწორი მიმართულებით ვითარდება. Ამ განწყობას იზიარებს თბილისში გამოკითხულთა უმრავლესობა - 44%. Მხოლოდ 24%-ს მიაჩნია, რომ კურსი სწორია. ასე ფიქრობს გამოკითხულთა უმრავლესობა საქართველოს სხვა ქალაქებშიც. Მათი 45 % არ იწონებს საქართველოს განვითარების კურსს. მოსაწონი მხოლოდ გამოკითხულთა 29 %-ისთვისაა. Სოფლებში გამოკითხულთა 44% არ ეთანხმება საქართველოს განვითარების კურსს, ეთანხმება - 24%. გამოკითხულია ყველა ასაკობრივი ჯგუფის წარმომადგენელი. მათი უმრავლესობა მიიჩნევს, რომ ქვეყანა არასწორი მიმართულებით ვითარდება. ასე ფიქრობს გამოკითხულ კაცთა - 46%. ქვეყნის მიმართულებას არ იწონებს გამოკითხულ ქალთა 43%. Პარტიული ნიშნით ქვეყნის განვითარების კურსით კმაყოფილია "ქართული ოცნების" წარმომადგენლები. Მათი გამოკითხულთა 61% თვლის, რომ ქვეყანას სწორი განვითარების კურსი აქვს აღებული და მხოლოდ 20%-ია უკმაყოფილო. ქვეყნის განვითარების კრუსს არ ეთანხმება ოპოზიციის მხარდამჭერები - 67%. კვლევა NDI-ის დაკვეთით CRRC-ის მიერ ჩატარდა. ეროვნულ-დემოკრატიული ინსტიტუტის ინფორმაციით, სატელეფონო გამოკითხვები 2021 წლის 17-24 თებერვალს ჩაატარეს (2 024 დასრულებული ინტერვიუ) საშუალო ცდომილების ზღვარი +/- 1.4%-ია. ცდომილების ზღვარი სხვადასხვა კითხვის მიხედვით იცვლება. http://www.kutaisipost.ge/ka/akhali-ambebi/article/20131-saqarthveloshi-gamokithkhultha-44-thvlis-rom-qveyana-arastsori-mimarthulebith-vithardeba-