ინფრასტრუქტურული მიმართულებით არცერთი ტენდერი არ გაგვიჩერებია, ყველას ვაგრძელებთ - კალაძე კალაძე

http://pirveliradio.ge/?newsid=142386 ინფრასტრუქტურული მიმართულებით არცერთი ტენდერი არ გაგვიჩერებია, ყველას ვაგრძელებთ - ამის შესახებ განცხადება, თბილისი მერმა კახა კალაძემ, „პალიტრანიუსის“ გადაცემაში „საღამოს ნიუსრუმი“ გააკეთა. მან ასევე აღნიშნა, რომ სამუშაოები ყველა მიმართულებით შეფერხებულია, გაჩერებული არ არის, გრძელდება, მაგრამ არა იმ ტემპით და მასშტაბებით, რაც პანდემიამდე იყო. „სამუშაოები ზოგადად ყველა მიმართულებით შეფერხებულია, გაჩერებული არ არის, გრძელდება, მაგრამ არა იმ ტემპით და მასშტაბებით, რაც პანდემიამდე იყო. იმედი მაქვს, რომ ძალიან მალე შევძლებთ ისეთივე ტემპით სამუშაოების გაგრძელებას, როგორც ეს პანდემიამდე იყო. ჩვენთვის ძალიან მნიშვნელოვანია იმ პროექტების დასრულება, რომელიც გასულ წელს დავიწყეთ. ეს არის ძალიან მასშტაბური პროექტები. ასევე, 2020 წლის დასაწყისში საზოგადოებას ძალიან ბევრი მნიშვნელოვანი პროექტი წარვუდგინეთ და დიდ მასშტაბებზე გავდიოდით. თუმცა, აქაც შეიძლება, გარკვეული პროექტების განხორციელებამ გადაიწიოს იმიტომ, რომ დღეს ბევრი რამის გადაფასება გვიწევს, სხვადასხვა პრიორიტეტებია სხვადასხვა მიმართულებით და ამას შესაბამისი პასუხი უნდა გაეცეს. თუმცა, ეს არ ნიშნავს იმას,რომ ეს პროექტები არ განხორციელდება. შესაძლოა, დროში გადაიწიოს, მაგრამ მოგვიანებით ყველა ეს სამუშაოო იქნება წარმოებული. ინფრასტრუქტურული მიმართულებით არცერთი ტენდერი არ გაგვიჩერებია, ყველას ვაგრძელებთ და პარალელურად სიტუაციას ვაკვირდებით. თუ იმის აუცილებლობა იქნება, რომ ეს თანხები სხვა მიმართულებით გადანაწილდეს, რა თქმა უნდა, გამარჯვებულ კომპანიას ხელშეკრულება არ გაუფორმდება და პროექტი გაჩერდება, თუ საშუალება მოგვეცემა სამუშაოები გავაგრძელოთ, პროექტები გაგრძელდება“, - განაცხადა კალაძემ.