WHO ექიმებს ურჩევს, COVID-19-ის სამკურნალოდ არ გამოიყენონ რემდესივირი

ჯანდაცვის მსოფლიო ორგანიზაციამ (WHO) გამოსცა რჩევა, COVID-19-ით დაავადებული ჰოსპიტალიზებული პაციენტების სამკურნალოდ არ გამოიყენონ ანტივირუსული მედიკამენტი რემდესივირი. WHO-ს თანახმად, მედიკამენტი „მნიშვნელოვან გავლენას“ ვერ ახდენს პაციენტის გადარჩენაზე ან გამოჯანმრთელების დაჩქარებაზე. WHO-ს ექპერტებმა 20 ნოემბერს განაცხადეს, რომ „არ მოიპოვება ამჟამად ხელმისაწვდომ მონაცემებზე დამყარებული მტკიცებულებები, რომ ის აუმჯობესებს პაციენტისთვის მნიშვნელოვან შედეგს“. აშშ-მა, ევროპის კავშირმა და რამდენიმე ათეულმა სხვა ქვეყანამ დროებით დაამტკიცეს COVID-19-ის პაციენტების სამკურნალოდ რემდესივირის გამოყენება მას შემდეგ, რაც თავდაპირველმა გამოკვლევებმა აჩვენა, რომ ის შესაძლოა ამოკლებდეს გამოჯანსაღების პერიოდს ზოგიერთი ჰოსპიტალიზებული პაციენტის შემთხვევაში. აშშ-ის პრეზიდენტ დონალდ ტრამპს, რომელსაც ოქტომბერში აღმოაჩნდა კორონავირუსი, რემდესივირით და სხვა მედიკამენტებით მკურნალობდნენ. WHO-ს ექსპერტების თქმით, ექიმებისთვის გამოცემული მათი რეკომენდაცია ემყარება მონაცემებს 7000-ზე მეტი ჰოსპიტალიზებული პაციენტის შესახებ. მათი თქმით, გამოკვლევამ დაადგინა, რომ რემდესივირი არ ახდენს მნიშვნელოვან გავლენას სიკვდილიანობის შემცირებაზე, მექანიკური ვენტილაციის საჭიროებაზე, გამოჯანმრთელების ხანგრძლივობასა და სხვა ფაქტორებზე. https://www.radiotavisupleba.ge/a/30960870.html #ახალი_ამბები #twitter