გიზიარებთ მომდევნო თვის გასტრონომიული ფესტივალების განრიგს, თბილსში:
კიკეთი ფესტი
ვისაც გიყვართ ზაფხულში, ბუნებაში გრილად დროის გატარება, გემოვნებიანი მუსიკა, გემრიელი საჭმელი, ქართული ღვინო და სასმელი, გელით კიკეთში - კიკეთი ფესტზე - ყოველწლიურ კიკეთურ თავყრილობაზე.
ამ დღეებისთვის, მუხების ტყეში მოეწყობა გარემო, სადაც დაისვენებთ და დააგემოვნებთ კიკეთის მარნების - გოცას მარნის, ტანინის და კიკეთის ფერმის ღვინოებს.
სტუმარი მარნების - მათიაშვილის მარნის, მეღვინეობა ნაფერების, პატ’რა მარნის ღვინოებს.
ფესტივალში მონაწილეობენ ღვინის ბარი საამური და ღვინის მაღაზია რე ვაინ.
კვებაზე იზრუნებენ "მეტი ხალისით" და "მინდა პოპ აპი".
თბილისის ყავის ფესტივალი
რიგით მეორე თბილისის ყავის ფესტივალი“ 20, 21 და 22 სექტემბერს მთაწმინდის პარკში მდებარე „ანდერვილ კლუბში“ კოფეინით გაჟღენთილ, დაუვიწყარ დღეებზე გიმასპინძლებთ!
გაეცანი ფესტივალზე ყავის ინდუსტრიაში მოღვაწე ბიზნესებს, მათ მიერ წარმოდგენილ სხვადასხვა საინტერესო პროდუქციას, დააგემოვნე და აღმოაჩინე სიახლეები.
"თბილისის ყავის ფესტივალი" ბევრ საინტერესო ღონისძიებას მოიცავს:
• ყავის ინდუსტრიის წარმომადგენლების გამოფენა / პროდუქციის დეგუსტაცია და გაყიდვა - შეარჩიეთ საუკეთესო ყავა და ყავის აპარატები თქვენთვის, თქვენი საყვარელი ადამიანებისა და თქვენი ბიზნესისთვის. ყავის გარდა, ფესტივალზე ბევრ ახალ საინტერესო ბრენდსა და პროდუქტსაც აღმოაჩენთ
• ფრანჩაიზერების შეთავაზებები - თუკი ახალ ბიზნეს-წამოწყებაზე ფიქრობ, გაეცანი კომპანიებს ყავის ინდუსტრიაში, რომლებიც ფრანჩაიზს გთავაზობენ
• ვორქშოფები - მოისმინეთ ინდუსტრიის პროფესიონალების მოხსენებები ყავასა და სხვადასხვა საინტერესო, ყავისა და HoReCa ბიზნესებისთვის აქტუალურ თემებზე.
• ლატე არტის ჩემპიონატი
• ყავა და ალკოჰოლის ჩემპიონატი
• SCA მეორე დონის სერთიფიცირება - Specialty Coffee Association-ის ოფიციალური, საერთაშორისო სერთიფიცირება ბარისტებისთვის
• Coffee Cupping - ყავის მარცვლების დეგუსტაცია
• DJ ტერასაზე - თბილისის ულამაზესი ხედის ფონზე, ისიამოვნეთ მუსიკით, უგემრიელესი ჭიქა ყავით ხელში
• Tasty Food - ფესტივალზე, რაღა თქმა უნდა, ყავასთან ერთად დაგხვდებათ გემრიელი საჭმელებიც
თბილისი ვისკის ფესტივალი 2024
"თბილისი ვისკის ფესტივალი 2024: გაიმართება ამა წლის 21-22 სექტემბერს საგამოფენო ცენტრ ექსპო ჯორჯიას III პავილიონში .
ეს არის შესანიშნავი ადგილი ვისკის მოყვარულთათვის, თქვენ აქ შეძლებთ აღმოაჩინოთ და დააგემოვნოთ თქვენთვის საოცნებო ვისკი, შეიტყოთ სიახლეები, დაესწროთ დეგუსტაციებს და მასტერკლასებს, რომლებსაც წარუძღვებიან უცხოეთიდან მოწვეული ამბასადორები. ისიამოვნოთ და გაერთოთ თანამოაზრეების გარემოცვაში. მაგრამ ეს ყველაფერი არ არის, ღონისძიება სავსეა სიახლეებით, საჩუქრებით, ცოცხალი მუსიკით, უგემრიელესი საკვებითა და სურპრიზებით.